Manda jop ka Dr. Ampareen ka Jowai leh u yoh Montri biang ko

Ynne i miet kam chibynta wow pynkhreh ya ka Election MP, ka NPP da pynman ko yaka yalang paidbah neibynta ka kyrtong ka Party, ka Dr. Ampareen Lyngdoh ha Yungwalieh ka Dorbar Chnong, Dulong, Jowai hei emlang u MLA ka Jowai, u Wailadmiki Shylla, ki MDC ka JHADC nadooh u Lakhon Dkhar, u Sarong Paswet, u Octomewat Lamin, kiwa kitkaam ka Party, kiwa chong chnong ka Dulong wa kiwi kiwi.

Ya ka yalang ynne ka miet da pynlai da u Waheh Chnong u M. Bareh wei da yoh i Ngoohblai na u T. Challam.

U Lakhon Dkhar hawa e i klam da ong u wa ha ki Social Media da mih chiboon i pynbaad ya ka sorkar tangwa katkam wa man ka Party NPP ha ki 5-6 snem wa da ksoh ko ya ka sorkar da yoh u yoo ya ki kaam neibynta i miat i bha yong ka jylla waroh kawi wa wot hadooh ha District leh kamjooh.

Da ong u wa ha ka Election MP wa dadep ka NPP da kyrpaad ko ya ki paidbah wow chon ha ka UDP tangwa ha kani ka kynti won da yoh ya ka kyrtong kawa da ih bha heiwa ka manyung yong ka toh kawa da naam ha i kaam chakri paidbah.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Chooh chooh heiyatoh wa i wym biang i yoh bhah ka sorkar jylla wa ki District Council na ka sorkar pyrdi kamtæ ka NPP da rai ko wow pynyakhun noh da ka bru na ka Party wow lai paan yarap na ka sorkar pyrdi katkam ka bhah hok wa toh u yoh.

Heijooh i por da ong u wa nadooh nynde da pynjooh ya ka jaitbru yong i wow e bhah wow rap pateiñ ha ka kynthai kamtæ ha kani ka kynti leh emkaam u jied ya ka Dr. Ampareen wow man kam ka MP napoh kani ka thaaiñ.

Kiwi kiwa da klam ha kani ka yalang toh u E. Lyngdoh, u P. Suting, u Abul Phawa, kiwa da ong wa kam ka Jowai Constituency toh u pyrkhat bha hawa jied MP neibhah wa ini i kyrdan toh iwa khroo bha wei deiwa jied ya ka Dr. Ampareen daw rap suk ki paidbah neibhah wa ha jylla leh em ka sorkar ka NPP wei kam ka MP daw ye ko u yaklam waka sorkar pyrdi neibynta iwa emkaam ki paidbah.

Heijooh i por u Abul Phawa da ong u leh wa emkaam bha wa ka Jowai u yatylli ko neibhah boi manda jop MP ka Dr. Ampareen kawa man ka Montri ka chnat i chait i khiah ka Jowai leh u yong Montri biang ko ha ka sorkar jylla.