Manda klam yasuk deiwa du katkam ka aiñ ym poi cheiwon cheiwon, ong u ksiang ka HNLC

U ksiang wa mihkhmat yaka seiñ Hynniewtrep National Liberation Council (HNLC) neibynta i yaklam yasuk, u Sadon K Blah da ong u wa ha ki yalang kiwa da dep pynman hapyrdi ka sorkar waka HNLC, ka sorkar da pynsñiaw ko yei eh wow pyndam ya ki mukotduma (Case) pyrchah ya kiwa yahkhmat ka seiñ HNLC, wei kani toh ka daw wa kiwa yahkhmat ka HNLC ym ye ki wow lai chakhmat wow yaklam.

Da ong wa ha ka thma wow yaklam du da ka aiñ ym poi cheiwon cheiwon, wei pynrap u wa lada ka sorkar ka pait bait ko thij du da ka aiñ, man ko i wym ye wow pyndam ya ki mukotduma, wei ka yaklam leh ym ye ko wow lai chakhmat.

Da ong u wa ka luti wa ka HNLC da chim ko nadooh wa da seiñ toh wow booh ki dawa hajrong ka synchaar khadar (Political Demand), wei i sepai noh i yaklam yasuk toh wa pynbaad ya ka sorkar wa lai bait ko da ka aiñ.

U Sadon da khana u wa ka HNLC nadooh ka 31-12-23 da phah ko da ka chithi cha u ksiang ka sorkar jylla, u PS Dkhar lyngba ka chithi wa da thoh yow pyntip cha ka Ministry of Home Affairs kawa da pynpoi cha u AK Mishra uwa man u ksiang yong ka sorkar pyrdi.

Related posts

Khut ka UDP-West Jaiñtia Hills ya kiwa kwah u yaleh MDC cha ka JHADC

November 25, 2024

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024