Ka Khasi Students’ Union (KSU) da beiñ joor ko yei chah kem roi ki dkhot ka seiñ ha ki bor ka aiñ hajrong i chah pynbaad wa emkti yeiwa jia ha Ichamati wa iwa dang dep jia ini wa dep ha Mawroh, Mawlai.
U President ka KSU, u Lambokstarwell Marngar hawa klam ynne ka sngi da ong u wa lada ka sorkar u nang pteiñ ko wow pyntyrha ya ki dkhot ka seiñ wa ki khynroo, ka sorkar daw sñiawthooh hi ko kammon wow tympleh yei diñ hadien wa da theh Petrol.
Kam wow pynkynmoo wa hadooh katni da em soo ngut ki dkhot ka KSU kiwa da chah kem hajrong i jia ha Ichmati wa ha Mawroh.
U Lambokstarwell da ong u wa ka seiñ kwah ko wow phah kyrwoh cha ka sorkar wa lada kwah ko wow yalehke wei wow e diñ ya ki khon khynroo ha ka ri Ynñiawtrep, kitu kiwa ksoh yei kaam synchaar da hap ki wow chim yei kitkhlieh.
Da ong u leh wa ka seiñ da lai luti ko la 46 snem wei kini ki luti ymtoh de kiwa thymme wei ym mut wa du wa yaklam ya ki phang waphær waphær kiwa ktah yaka ri waka jaitbru, ymtoh wow kheiñ wa ki toh ki moochynthut wei wow pynbaad ya ki ya ki jait kaam wa jia.
Da kylli leh yaka sorkar cheiwon kiwa pynyap ya u Lurshai Hynniewta katwa ya ki khynroo Khasi wa ki dkhot ka seiñ da pharep wei da kem wut wut.
Da maham u leh wa lada ki bor sorkar u pteiñ ki wow pyntyrha ya ki khynroo wei manda kut i por wa yai chah, i por daw batai won i.
Discussion about this post