I kaam kajia pood hapyrdi ka Assam wa ka Meghalaya man i iwi na ki kaam wa khor bha iwa da sahteiñ wow pynbait hapyrdi ki ar jylla da ki phaw snem kattu.
Ynne ka sngi ha ka yalang wa khut u MLA ka 4-Mowkaiaw, u Nujorki Sungoh wa ki Waheh Chnong ka Constituency da pyrkhat ya ki kaam wow pynku kyrdan noh ya ka Laskein C&RD Block cha ka Civil Sub-Division.
Ha ka yalang neiliang u Nujorki da pyntip u wa ki chnong Pnar wa em hapoh ka Block-I ym duna ki ya ki 30 tylli waroh wei da man ki kiwa da chah kyntait ha kiwa boon ki liang.
Da ong u leh wa barabor lada emkaam ki chnong Block-I ha iwon iwon i bynta, i yarap wa jan tam toh na Laskein Block.
Da kyrmen bha u leh wow yoh noh u chna ya u sarok na Khatkasla-Moojem-Jrikyndeng.
Kamtæ da pynsñiaw u wa deiwa pynku kyrdan ya ka Laskein Block daw ye chooh chooh u e yarap ya ki paidbah wa em ha ka thaaiñ Block-I heiyatoh wa i kaam yong ki.
