Manda ye u rah ya ka Secretariat cha New Shillong daw kyllooid ki luti syngkieñ: Sniawbhalang

U Symbood Montri Rangbah ka jylla, u Sniawbhalang Dhar da ong u wa ka sor Shillong daw kyllooid ko hadien wa ye u rah ya ka Main Secretariat cha New Shillong Township.

Da ong u wa ini ye ko wow chimpor hadooh 2-3 snem kamjooh wow rah lang ya kiwi ki chnat sorkar wei ini daw pynkyllooid kamwa 30-40% ya ki luti syngkieñ ka Shillong.

ADVERTISEMENT

Da ong u leh wa ka sorkar da pyrchang ko wow wanrah da ka Odd/Even i chah i mih ki kari wei da dep leh wow khang yei psiah ki Bus cha ka thaaiñ Police Bazar tangwa ki paidbah ym em pdiang ki yeini wei ka sorkar leh da ap ko yeini.

Chooh chooh da ong u wa ym ye u khang yei thied kari thymme ki bru tangwa ka sorkar daw pynbait won ko deiwa booh da ki One Way wa kiwi de ki laad.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

“Ki por wa khynnia kari bha toh ha i por wa lai skur ki khynnah wei heipor wa wai skur,” da ong u Sniawbhalang deiwa pynrap wa ka DC kamjooh ka sorkar chimkhia ko yeini khamtam i rukom pynyieñ kari nadooh ki Bus wa ki Taxi.

Heiyatoh won wa ki kari ar chaka kiwa da sdang kamai katni da ong u wa ka sorkar da booh ko da ka aiñ wei daw pynbait kammon ki thaw wa chah u kamai ki.