New Delhi: U montri ka sorkar pyrdi wa pait ya ka tnat kaam pohyung, u Rajnath Singh ynne ka sngi da yaklam u wa ki sahep ka tnat kiwa pait ya ka Border Area Development Programme (BADP), yow pyntikna wa da pynkrehkaam sakhiat ya ka.
Da ong u wa kiwa chong wa sah ha ki thaaiñ khappood man ki kiwa emkaam bha hapoh ka ri khamtam wa yatoh wa ki kaam wow sonteri ya ka ri. Da pynksan u leh ya ki bynta kiwa emkaam wow leh wow kyntu kynrong ya ka yoh ka kot hapoh ka imlang sahlang khamtam kiwa chong ha ki chnong ha khappood ka ri.
Da ong u leh waka sorkar pyrdi booh ko ya ki chnong ha khappood hakhmat dooh wei emkaam wow pynbiang ya ki sarok ki luti syngkieñ, ka um dih, ki skur, ki thaw puræ, thaw sumaar, wa kiwi kiwi deiwa pynkhlan ya ki kaam hapoh ka BADP.
Hapoh kani ka programme da pynku ya ka mang poisa cha ka T. 1,100 klur ha u 2017-18 na ka T. 990 klur ha ka 2015-16 khnang wow wanrah ya ki kaam pynroi liang wanang ha ki chnong ha khappood.
Da booh thong leh wow pynman ya ki 61 tylli ki chnong wow man kam ki Model Village heiwa da mang T. 126 klur wa da pyllait cha ki sorkar jylla wei daw pynbiang ya ka poisa katkam wa emkaam ki chnong wa ki sorkar.
Ha kani ka sngi da wai leh ya ka BADP Online Management System wow pyntikna wa da pynkreh bha ya kani ka Project hapoh ka BADP wei ki jylla wa em u pood wa kiwi ki ri toh u e ki ya ka bui namo ka Annual Action Plans Online wei wow phah ya iwa emkaam namo wow pdiang yeiwa emkaam naka Ministry of Home Affairs.
Ka BADP da kdup lang ko ya 111 tylli ki chnong wa em ha khappood ha ki 17 jylla wow yoh myntoi na kani ka Project khamtam kiwa sah hapoh 50 km na u pood namo u International Border. Ha waroh T. 13,400 klur da pynlait ka sorkar nadooh wa sdang kani ka programme nadooh wa sdang ya ka ha u 1986-87.
Ki sahep na ki yungkrehkaam wa em ha ki 17 jylla, ki District Magistrate na ki 25 Border Districts da emlang ki ha kani ka yalang.
Ha kani ka sngi da emlang leh u Hansraj Gangaram Ahir, MoS (Home), u Kiren Rijiju, MoS (Home), Union Home Secretary, u Rajiv Gauba, u Special Secretary (Border Management), u B.R. Sharma wa kiwi kiwi.
Discussion about this post