Mar 30% ya ki Khasi-Jaiñtia wa Garo, 27% neibynta kiwa dooh wa duk

Ka 19-South Shillong Advisory Committee, hapoh i yahkhmat u MLA, u Sanbor Shullai ynne ka sngi da lai phah ki yei pynsñiaw cha ka Expert Committee ka Reservation Policy deiwa kdaw wa ka bhah yoh kreh toh u e myntoi ya ki bru na ki manyung wa dooh wa duk.

U Sanbor hawa e yumut da ong u wa katkam i kheiñ yei boon bru ha u snem 2011, da pynyoo wa ki jaitbru ri-loom em ki 86.15% kiwa chong chnong ha Meghalaya.

Da ong u wa ka bhah kreh toh u man ko 30% ya ki Khasi-Jaiñtia, 30% ya ki Garo, katwa 27% toh u man bait thij neibynta ki manyung wa dooh wa duk kiwa tip kam ki Economically Weaker Section (EWS), chooh da e yumut wa na ka 87% wa da kheiñ kyllum yei kreh toh u man bait neibynta kiwa dooh wa duk. Kamjooh ha ki kaam wa lait ha ki District na ka 87% ka bhah toh u man ko 50% neibynta ki Khasi-Jaiñtia wa Garo ha jar jiar ki District.

Da ong u wa ka bhah neibynta kiwi won kiwa dang sah toh u man ko 6% neibynta kiwi ki ST/SC wa OBC wa 7% neibynta ki Unreserved.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Katkam i ong u Sanbor, ka 87% kawa da mang neibynta ki Khasi-Jaiñtia wa Garo toh u man ko neibynta kiwa dooh wa duk kam kiwa kamai kari, kiwa chongdai dukan cha rood sarok, kiwa kreh mylla ha ki yung ki bru, kiwa mylla sngi, ki Asha wa Aaganwadi, ki warep wa kiwi kiwi kiwa kreh mylla.