Mar ya dep kaweh kti noh kawi na yingkeiñ cha ka wah

I thooh ya ka bru wa 21 snem ha Doda District ka Jammu and Kashmir da sdang i mar ya noh kani ka bru najrong yingkieñ cha ka wah Chenab ha Shiva Dal Bridge hajan Prem Nagar ynne i sngi.

Ya kani ka bru da tip kam ka Payal Devi wei da noh ko heipor kamwa 2:00 waje i sngi wei ki pulit, ki State Disaster Response Force (SDRF) wa ki tre chnong da thooh ki ka tangwa ympu em chem ki ya ka.

Ha i Video wa poor bha ha Social Media da sñiaw ya ki bru wa ong wym toh u noh ko cha ka wah tangwa ka Payal da kaweh kti wei doh ko chwa u noh cha ka wah.

U pa ka Payal, u Krishan Lal da ong u wa ha i step da lai ko cha ka Mela wei hadien da Phone ko oo wow pyntip wym em chait ko wei kwah ko wow lai cha u Doctor kamtæ da phah liwan u ka cha yung da ka thuk-thuk.

Related posts

Maham ka Delhi Metro ya kiwa chna Reel deiwa biah ya ka Phone ha ka rel

September 6, 2026

Da chem ya ka thuk-thuk wa chah tooh na Jowai ynne i step

September 6, 2026

U bru wa lai wa ka Payal da Phone u cha u pa ko wow pyntip wa da yut ko cha ka yingkieñ hajrong ka wah wei manda klam ko wa u pa ha ka Phone ong ko wa ymtoh u em wow tia chajan ko. 

Da ong ko leh wa ymtoh wow pynwit wei ini toh i mynsien yong ka hi wei kwah ko wow pynkut noh yei mynsien ko chwa wow noh ko najrong ka yingkieñ.

Neiliang ki pulit da thooh ki ya ka ha ka wah Chenab wei i takit yei daw wa noh ko leh da sdang i.