U Prime Minister ka Israel, u Benjamin Netanyahu ynnin ka sngi da e klam u hapoh ka United Nations General Assembly (UNGA) ha New York.
Mar ya ku u Netanyahu ha rynsan, kiwa mihkhmat na ki ri wa kylleiñ ka pyrthai da mih lut ki na ka Hall iwa da pynthylli ya ka.
I Video yong ini da poor bha i ha social media.
Ini i mih kiwa mihkhmat toh wow pyrchah deiwa kam wa iwa leh ka Israel toh i tynyap khiar namo ka Genocide ka sorkar u Netanyahu wa ka IDF ha Gaza heiwa da yap palat 70,000 ngut ki nong Palestine wei da mynsoo da ki phaw lak ngut.
Ini i leh ka Israel toh hadien wa hiar thma ka Hamas ya ka Israel ha ka 7 tarik u Naichiphaw 2023, heiwa da yap 1,200 ngut ki nong Israeli wei da ki spah ngut wa chah ksohbor (Hostage).
Nadooh ka 7 tarik u Naichiphaw 2023 ka Israel da hiar thma ko ya ka Gaza kam ka tput ya ka Hamas tangwa boon ki ri wa beiñ ya ka Israel neibhah wa da dat khiar ko nadooh ki khynnah khonboo, ki bru paidbah heiwa da pynmadan lut ya ki yung ji sem wei ym em u dat ko ya ki Hamas tangwa boon ya ki paidbah ka Gaza donhi.
Discussion about this post