Du da ki sngi chwa ka Asia Cup 2025, ka Dream11 da rai ko wow randien noh kam ka Main Sponsor ka Cricket Team ka India wei ini jia ryngkat i wa i pynman aiñ ya ka ‘Promotion and Regulation of Online Gaming Bill, 2025’ da ka Parliament wa khang yei pynemkaam poisa ki Online Games.
Ka Board of Control for Cricket in India (BCCI) wa ka Dream11 ympu em pynbna ki yeini tangwa ka khubor wa tikna da ong ko wa ka Dream11 ym Sponsor de ko ya ka Team India ha ka Asia Cup 2025.
U Secretary ka BCCI, u Devajit Saikia da ong u wa ka Board daw bood ko ya ki aiñ ka ri wei da ong leh wa ka BCCI daw khut lilam biang ko ya ka Jersey Sponsorship.
U Saikia da ong u wa lada ka BCCI ym yoh Sponsor ko chwa kani ka Asia Cup ka wow sdang ha ka 9 tarik u Naikhynde, ka Team India u yalehke ko khlem ki Main Sponsor.
Kam wow kdaw heini, ka Dream11 da krehlang ko wa ka BCCI ha u 2023, deiwa soi ya ka soskular wa Rs. 358 klur wow Sponsor ya ka Team India.
Ka Asia Cup u sdang ko nadooh 9 tarik u Naikhynde wei u kut ko ha ka 28 tarik u Naikhynde heiwa ki yalehke u man ki ha United Arab Emirates ha Dubai wa ha Abu Dhabi.
Discussion about this post