theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1
Advertisement ad1

Mar ya kut u slap u sdang kreh noh ya u sarok nadooh Mawryngkneng chadooh East Jaiñtia

Advertisement ad1

Ka sorkar jylla da pyntip ko wa ya u sarok na East Khasi cha East Jaiñtia Hills u sdang kreh noh ki mar ya kut u slap.

Hawa klam chaphang u sarok na Shillong cha East Jaiñtia Hills, u Symbood Montri Rangbah ka jylla uwa pait leh ya ka chnat PWD (Roads), u Prestone Tynsong da ong u wa u sarok da sih nadooh Mawryngkneng wei daw sdang kreh noh katkam wa emkaam chwa ha kini ki por tlang.

U sarok NH06 toh uwa da sih bha nadooh Ladrymbai chadooh Umkiang katni wei da ktah joor i ya kiwa lai luti.

Heiyatoh won wa ka yingkieñ ha Umiam, da pyntip u wa daw leh sorjamin wei daw chna noh da ka yingkieñ kawa thymme.

Da khana u leh wa da dep wow yaklam wa ki Consultant yow chna ya ka yingkieñ thymme deiwa pyrkhat yei chnaaiñ i lai i wan heiwa katni leh da booh kyndon yei lai i wan ki kari wa khia wei ym slem de daw yoh ya ka Detailed Project Report na ki Consultant wei da thmu wow chna ya ka yingkieñ hei thaw wa rap cha wah ka yingkieñ wa em katni.

Hajrong i kaam wa yatoh wa u sarok Shillong-Western Bypass, u Prestone da pyntip u wa da pyntip cha ki Deputy Commissioner ka Ri-Bhoi wa East Khasi Hills District yow leh yeiwa emkaam yow thied thaw.

Share this:
Previous

Da phah lut ya ki karkhana wow su bai bordiñ, da em leh kiwa da chah ah

Next

Yoh kem ki pulit ka Phramer ya 6 tylli ki jait mrad khloo napoh kawi ka Sumo