Ki dkhot ka JSU Central Body ynne dapoi ki ha Jantar Mantar, New Delhi yow e yei kyrchaan ya ka yakhih kawa da neh da kamwa chi bnai kattu yow dawa yei hok kiwa dang lai puræ puthi yow em i bahkhlieh ka sorkar yeiwa jia ha ka puræ puthi nadooh ki Paper Leak wa kiwi de.
Kani ka yakhih wa da yahkhmat da ka Cockroach Janta Party (CJP) da pynchit ko ya ka ri heiwa ha kiwi ki jylla leh da pynyoo ki yei kyrchaan wei em leh kiwa boon kiwa da mih na ki thaw sah na kylleiñ ka ri yow lai chimbynta ha kani ka yakhih ha Jantar Mantar.
Neiliang kiwa yahkhmat ka JSU da ong ki wa kam ka seiñ kawa pait yei bha i miat kiwa lai puræ, ki leh da lai ki wow pynman yakhih neibhah ini i lait tooh ki Question Paper ym du ha ka NEET tangwa nadooh ki snem nachwa wei kiwa da jia ma jia wot hapoh jylla Meghalaya wei da yooluti wow khyrngiat noh ki sorkar wow lait u jia biang kamni yow man ki Exam kiwa khooid wa suba yow lait u dooh mynsien.
Da ong leh wa kamwa jia ha ka NEET-UG kawa da hap pyndam wei pynman biang deiwi neidaw wa em ka Paper Leak ha uni u snem, da wanrah ko hadooh wow em ki khynnah wa da pynkut yei mynsien yong ki, kamtæ kani ka yakhih man ko kawa em hok.
Heini i por wa poi ka JSU wow pynman yakhih, mih wot leh i pynbna wa da hiar chuki noh u Education Minister ka ri, u Dharmendra Pradhan.
Discussion about this post