Mar ya pynbna tarik By-Election ha Assam mih wot i awri, i mynsoo wei chah dat ki kari

Ynne i sngi ki kattu katni ngut ki bru da mynsoo ki wei da chah pynsih leh 5 tylli ki kari hadien i awri hapyrdi kiwa kreh ka BJP wa Congress ha Samaguri, Nagaon District ka jylla Assam du hadien wa pynbna ya ka By-Election ha san Constituency wa kynthup ya ka Samaguri.

Kani ka By-Election ha Samaguri toh hadien wa u MLA warim, u Rakibul Hussain da chah jied u kam u MP ka Lok Sabha ha ka Election wa man ini wadep.

Da ong wa kiwa kreh ka BJP da hiar thma ki ya kiwa kreh ka Congress wa yahkhmat da ki MLA wa kynthup ya ka Sibamoni Bora wa u Nurul Huda.

Kini ki MLA ka Congress dang lai chimbynta ki ha ka yalang paidbah u Ranjil Hussain uwa man leh u khon u Rakibul Hussain u wow yakhun na ka Congress ha ka By-election.

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026

Ini i awri da jia i ha Nangaldhuwa Bartol heiwa san tylli ki kari kiwa kreh ka Congress da chah dat chah pynsih ki.

Da ujor leh ya ka FIR ha u Officer-in-Charge ka Rupahi Police Station heiwa u Sibamoni Borah da pynbaad u wa kiwa kreh ka BJP da hiar thma ki ya kiwa kreh ka Congress heipor wa lai ki cha Singimari ynne i sngi heiwa da pynemkaam ki da ki tiar pynmynsoo pyrchah ya kiwa kreh ka Congress.

Ka ECI ynne da pynbna ko ya ki By-Electionha ki 48 tylli ki MLA wa ar tylli ki MP Constituency ha ki 15 tylli ki jylla.