Ka Meghalaya Cricket Association da pynman ko yaka U-14 Inter District Tournament 2021 kawa sdang ynne ka sngi ha Mendipathar deiwa jop ka North Garo Hills wa West Khasi Hills.
Ki Association kiwa chimbynta da yabhah ya ki ha ki artylli ki Zone-Shillong, Ri-Bhoi, East Khasi Hills, East Jaintia Hills waka All Jaintia Hills kiwa em ha Zone 1 (ha Nongpoh) katwa ka Zone-2 da em ka Tura, West Khasi Hills, East Garo Hills, North Garo Hills wa South Garo Hills. Ki yalehke ka Zone 1 daw sdang ki haka 22 tarik.
Haka yalehke wa nyngkong ynne ka sngi, u Chukam Matsram Shira da yoh u yei naam Player-of-the-Match uwa da kamai 26 Run wei da ka bol da yoh u 5/8 yow pynjop yaka NGH. Ka liang yong oo da kamai ko 119/10 wei da ye ko wow pynhaap lut ya ki Wicket ka SGH kawa kamai 51 Run yow jop da 68 Run.
Haka yalehke wa ar, ka WKH da jop ko yaka Tura da 65 Run. Yei naam Player-of-the-match da yoh u Aibanjop Nongsiang uwa kamai 56 Run yow pynyoh yaka WKH 208/8 na ki 20 Over, heiwa u Abirim K Marak da yoh u 3/35.
U Harshit Prasad da kama u palat chiteiñ ki Run ka Tura deiwa yoh 72 Run na ki 35 bol tangwa ka liang yong oo da ye ko wow kamai 143/8 na ki 20 Over. U Taker I Dkhar da yoh u 2/19 yaka WKH.