Ynne ka sngi da pynman 4 tylli ki yalehke ha Nongpoh wa ha Mendipathar kam chibynta ka Meghalaya Cricket Association U-14 Inter District Tournament 2021, deiwa jop ka Shillong Cricket Association, East Khasi Hills, North Garo Hills wa South Garo Hills.
Haka yalehke wa nyngkong ha Nongpoh (Zone 1), ka Shillong Cricket Association da jop ko yaka East Jaiñtia Hills da 68 Run. Deiwa Bat nyngkong, ka SCA da yoh ko 164/3 na ki 20 Over (Abhineet Dey 51; Dipson Lama 1/28), heiwa ka EJH manda e yei jubab da kut i kamai ko da 96/8 (Yoomitre Malang 19; Ashish Kr Lohar 2/12). U Dey da yoh u yei naam Player-of-the-match deiwa yoh 51 Run na 32 bol.
Haka yalehke kawa ar, i lehbha u Player-of-the-match u Jonathan Mawa daka bol waka Bat da pynjop ko yaka East Khasi Hills yaka Ri-Bhoi da 34 Run. Ka EKH da kamai ko 148/8 na 20 Over (Jonathan Mawa 47; Anmol Kr Shah 4/40), heiwa u Mawa da yoh u yak i 47 Run na 30 bol. Ka Ri-Bhoi hawa kdong ya i thong da ye ko wow kamai 114/10 (Pynshai Timung 18; Jonathan Mawa 4/32).
Ha Mendipathar (Zone 2) won, ka North Garo Hills da ye ko wow kdong ya i thong wa booh ka West Khasi Hills. Ka WKH da booh thong ko 107/10 na ki 17.2 Over hawa Bat nyngkong (Damewanpynkhraw Marbaniang 22; Rakseng Marak 3/21), hawa juba, ka NGH da yoh ko 110/3 na ki 13.1 Over (Rakseng Marak 51; Damewanpynkhraw Marbaniang 3/17) yow jop suk da 7 Wicket. Yei lehbha u da ka Bat waka bol, u Marak da jied ya oo kam u Player-of-the-match.
Haka yalehke wa ar, ka South Garo Hills da jop ko da 95 Run yaka East Garo Hills. Hawa Bat nyngkong, ka SGH da kamai ko palat 7 Run chi Over yow yoh 142/6 (Griksal G Marak 41; Aristho R Marak 2/14). Ka EGH, hawa kdong yei thong da ye ko wow kamai du 47 Run (Jeristho Marak 19; Ananda Berman 3/13). U Berman da yoh u yei naam Player-of-the-match.
