Deiwa jop soo sien, ka Shillong Cricket Association da psiah Final ko haka U-14 Inter District Tournament 2021 ka Meghalaya Cricket Association wei daw yachem ko waka North Garo Hills.
Ka SCA da yoh ko 8 Point na ki soo tylli ki yalehke wei da yoh nyngkong ko leh haka Zone 1 hanla yaki yalehke u pynkut mynstep.
Haka yalehke ynne ka sngi, ka Shillong da yoh ko 109/6 na ki 20 Over pyrchah yaka East Khasi Hills ha Nongpoh hei step, heiwa u Player-of-the-match u Rudra Singh Rathore da kamai u 38 Run katwa u Dipayan Nandi da yoh u 35 Run. U Nathaniel Pyngrope daka bol da yoh u 2/17 katwa u Jonathan Mawa da yoh u 2/20 yaka EKH.
Ka EKH daka Bat da yei ki wow kamai 74/5 (Ryanemi Swer 13; Ashish Lohar 2/11) na ki 20 Over yow e yaka SCA yei jop da 35 Run.
Haka yalehke wa bood, ka East Jaiñtia Hills da jop ko yaka All Jaintia Cricket Association da 35 Run.
Ka EJH da kamai ko 88/9 (Yoometre Malang 18 wa P. Malang 17; Maremdor Sutnga 3/18 wa Haunidashan Pohleng 3/19) tangwa ka AJCA da dooh lut ko ya ki Wicket deiwa kamai ko 53 Run (Maremdor Sutnga 13; Yoometre Malang 3/6). U Yoometre da yoh u yei naam Player-of-the-match.
