Ka 6th Meghalaya Games 2025 ha uni u snem da man ko ha Jowai wei ha ka sien wa nyngkong yong ka lympung nadooh wa sdang ya ka, ynne da sakhi yei pynyoo rong ya ka yalehke Roll Ball ha madan Basketball ha Kiang Nangbah Stadium, Jowai.
Ya kani ka yalehke da wan sakhi da u MLA ka Jowai, u Wailadmiki Shylla, u President ka MSOA, u John Kharshiing wa kiwi.
Kani ka yalehke toh kawa jooh pynman ha madan wa heh kam ki madan khyndaw-bilat heiwa em ar liang kiwa kynthup ya ki 6 ngut chiliang kiwa sap da ki Roller Skates. Kiwa yalehke emkaam u pynkynthih ki ya ka bol yow thap cha liang pyrchah wei kiwa boon kool dooh u yoh ki yei naam jop.
Kani ka yalehke ynne man ko kawa pynyoorong namo ka Demo Match donhi.
U Suklang Dkhar uwa man u Secretary ka Meghalaya Roll Ball Association da ong u wa kani ka yalehke toh kawa sdang na India wei da yalehke nyngkong dooh ya ka ha Pune ha u 2005.
Da kyntu u leh ya ki khynnah wow chimbynta ha kani ka yalehke kawa dang sdang wot.
Discussion about this post