Ynne ka sngi da yoh u sakhi ya ki dak wow pynmiat ya ka chnong Jowai kam ha kiwi ki sor, neibhah da ye u pynyieñ ya ki dak ‘I Love Jowai’ ha Khliehchnong, Chilliangraij, Jowai.
Hawa yaklam wa u MLA ka Jowai, u Wailadmiki Shylla da ong u wa heipor wa wan u cha Chilliangraij ha ki bnai wa dadep da lai u ha ini i thaw wei ki bor chnong da pyntip ki wa angnood bha ki wow pynmiat ya ini i thaw.
Da ong u wa heiyatoh wa ini, deiwa chim kabu khamtam yei wan ka Meghalaya Games ha Jowai da Phone u ya u Director ka chnat Tourism kamjooh leh da phah u ya ka Tourism Officer wow pynmiat ya ini i thaw.
Chooh chooh da pyntip u wa ini i thaw man iwa embhah neibhah wa jan i wa ka South Cluster yong kani ka lympung heiwa sah ki khynnah pyn hajan wei ye ki wow wanke cha ini i thaw.
U Wailadmiki da ong u leh wa kani ka thaw toh kawa miat dooh wow yoo ya ka chnong Jowai.
Heijooh i por da ong u wa da pyrkhat wa u waheh chnong heiwa da rai wa khnang wow pynmiat chooh ya ini i thaw daw kær ya ka talawiar kamjooh leh wa daw chim ya ka bai psiah cha ini i thaw khnang wow ye u pynneh ya i miat i thaw.
Discussion about this post