Meghalaya Games 2025: Jop ka West Jaiñtia ha ki yalehke Track & Field deiwa yoh leh yei naam Best Athlete

Ki yalehke Track & Field ka 6th Meghalaya Games 2025 dapoi ki cha wakut ha Wahiajer Stadium, heiwa ka West Jaiñtia Hills da pyntam ko ya waroh.

Yei naam Best Athlete ki chynrang da yoh u Henry Yoga A Sangma na North Garo Hills uwa da pyndep ya ka 100m heipor wa 11.15 second wei da yoh u waroh 842 Point. Neibynta ki kynthai won, ka Damika R. Lyngdoh da yoh ko yei naam Best Athlete deiwa jop leh ya ka 400m deiwa pyndep yei phet heipor wa 1:02.37 second wei da yoh ko 760 Point. Yei naam Best Promising Athlete da yoh u Joytiful Narlong na Ri-Bhoi uwa da jop ya ka Long Jump deiwa kynthiar 4.75m wei da yoh u leh 730 Point.

Ha ka Mixed Relay Race, ka West Jaiñtia Hills da yoh nynngkong ko da kiwa chimbynta wa kynthup ya u Renaldi Dhar, ka Damika R. Lyngdoh, u Kyrshanlang Shylla waka Himonki Khaii deiwa pyndep yei phet heipor wa 4:00.74 second. Ka East Khasi Hills da yoh wa ar ko deiwa pyndep yei phet heipor wa 4:11.15 second, ka Ri-Bhoi won da yoh wa le ko deiwa pyndep yei phet heipor wa 4:16.79 second.

Ka West Jaiñtia Hills da pteiñ ko yei jop lyngba u Kyrshanlang Shylla uwa da jop ya ka 200m Men’s Category deiwa pyndep yei phet heipor 23.96 second, ka Damika R. Lyngdoh da yoh nyngkong ko ha ka 200m Women’s Category deiwa pyndep yei phet heipor wa 28.16 second.

Related posts

Jop ka Amlarem SC ya ka 1st War Jaiñtia Football Tournament

May 19, 2025

Psiah Final sa ka Ummulong ha ka District Cricket League

May 17, 2025

Na kiwi ki District kiwa lehbha toh u Skhemlang Suba na Ri-Bhoi, uwa jop ya ka 1500m Men’s Category deiwa pyndep yei phet heipor wa 4:16.27 second, ka Daplin Wahlang na South West Khasi Hills da yoh nyngkong ko deiwa jop ya ka 1500m Women’s Category deiwa pyndep yei phet heipor wa 5:25.22 second.

Ha ka Javelin Throw, ka Melibad Kro na Ri-Bhoi da jop ko ya ka Women’s Category deiwa cher ya u soom 28.99m, katwa ha ki chynrang won da jop u Tusal M Sangma na North Garo Hills uwa da cher 48.13m.