theme-sticky-logo-alt
theme-logo-alt
Advertisement ad1
Advertisement ad1

Men’s U-25 State A Trophy: Jop ka Meghalaya yaka Nagaland

Advertisement ad1
Advertisement ad1

U Abhishek Kumar da yarap u hei jop ka Meghalaya yaka Nagaland da 91 Run deiwa yada ya ka thong wa khian ha ka yalehke ka Men’s U-25 State A Trophy 50 Over Tournament wa pynman ha Guwahati ynne ka sngi.

U Kumar da ka bol da yoh u 6/17 na ki 9.4 Over yow pynhaap lut ya ka Nagaland kawa yoh 44 Run yow pynman yei jop wa ar ka Meghalaya na ki artylli ki yalehke.

Advertisement ad1

Hachwa ini, ka Meghalaya da kamai ko 135 Run hadien wa ka Nagaland da jop ko ya ka kylla khlem wei da phah Bat nyngkong ko ya ka  Meghalaya. Na kiwa Bat ka Meghalaya da lehbha u Arien B Sangma uwa da yoh 52 Run na 66 bol wa kynthup ya 5 tylli ki 4 Run wei kam u Wicketkeeper won da pynyoh u ya kawi ka Run Out.

Hawa sdang, ka Meghalaya da yoh suk ko heiwa u Arien da kamai lang u 88 Run wa u Abhishek Gupta (29 na 67, wa 4X4) neibynta ka Wicket wa ar. Kini ki jooh ki arngut da dep ki wow pynjop ya ka Meghalaya da 9 Wicket ha ka 17 tarik pyrchah ya ka Sikkim, iwa da pynman yei sien wa ar wa da ya krehlang ki yow jop.

Tangwa hadien wa haap kini ki arngut da haap 9 Wicket deiwa kamai sa du 44 Run donhi heiwa ki 6 ngut kiwa Bat khaddooh da kami ki du 5 Run. Kiwi won kiwa da yarap da ka Bat toh ka 14 Run na u Roshan Warbah wa 13 Run na u Joydeepan Deb.

Ka Meghalaya da Bat ko 38.1 Over deiwa dooh lut ki Wicket, katwa ka Nagaland mar ya sdang da yoh ko 14/4 na ki 5 Over heiwa u Kumar da pynhaap u ya uwi hadien uwi uwa Bat ka Nagaland. Kiwi de kiwa kawang bol ka Meghalaya wa yoh Wicket toh u Lokesh Turaha wa u Agreas Chamcham Sangma kiwa da yoh mar 1/12.

Ka Meghalaya da yoh ko yei jop ha ka 18.4 Over kiwa daw yachem waka Manipur mynstep.

Share this:
Previous

Thooh laad ka sorkar wow pynman yei psan dakha i wow riñ ya kiwa uiñke suwari

Next

Khlaad noh u Ma Bransing Langstang