theme-sticky-logo-alt
theme-logo-alt
Advertisement ad1
Advertisement ad1

Thooh laad ka sorkar wow pynman yei psan dakha i wow riñ ya kiwa uiñke suwari

Advertisement ad1
Advertisement ad1

Ka Directorate of Fisheries ka sorkar Meghalaya ynne ka sngi da lehkmen ko ya ka World Fisheries Day kam chibynta leh i lehkmen yei dap 50 snem ka jylla ha ka yalang wa da pynman ha pchem ka Directorate Office, Shillong.

Neiliang u Montri ka chnat Fisheries, u S. Dhar da wan embynta lang u kam u kongsan katwa u Principal Secretary, Fisheries Department, u P. Shakil Ahammed da man u kam u symbood kongsan.

Advertisement ad1

U kongsan hawa e yei klam da yaroh u ya ki wakreh ka Fisheries Department yei kreh chitom ki wow chakri ya ki warep ka jylla deiwa yarap ya kiwa boon ki kaam wa yatoh wa i psan dakha. Da ong u leh wa ka thong toh yow ye u pynmih dakha wow pyndap yeiwa emkaam ka jylla iwa da wanrah kylla yei yoh khih yoh kreh kiwa boon khamtam ki warep.

Da kular u leh wa ka sorkar u kreh chitom ko wow e ya waroh ki jait yarap cha ki warep wei ka sorkar leh dang thooh laad ko wa kammon wow pynyatoh lok ya ki kaam uiñke suwari wa ka psan dakha yow ye u pynku yei nong kamjooh yow pynmih ki laad yoh kreh ya ki khynroo. Da kyntu u leh ya ki warep wow kreh chitom neibynta wow myntoi yong ki hi, ya ka jylla waka ri waroh kawi.

U P. Shakil Ahammed da pyntip u wa lyngba iwa da leh da ka sorkar, da em 79 tylli ki Fish Sanctuary hapoh ka jylla namo ki thaw wa yada ya ki dakha. Da pyntip u leh wa hapoh ka Meghalaya State Aquaculture Mission 2.0 da sdang wow pyndap yeiwa duna dakha wa pynmih hapoh ka jylla.

Ha kani ka sngi da pynlait leh ya ka kot “Composite Fish Culture and Biofloc Technology” deilang wa ar tylli ki thuk-thuk cha kiwa yoh myntoi hapoh ka Pradhan Mantri Matsya Sampada Yojana (PMMSY) 2020-21.

Ha kani ka sngi da saam leh ya ka State Award for Best Progressive Fish Farmer cha ka Silme Ch. Marak kawa na South West Garo Hills wei da saam leh ya ki District Award cha kiwa psan dakha kiwa da lai bha chakhmat.

Da pynman lang leh ya ka yakob chondur hajrong ka phang “Water Life and Livelihood”. Da booh leh ya ki dukan wa pynyoo rong ki warep na kylleiñ ka jylla ya ki mar yong ki kamjooh leh kiwa dai ki.

Kiwi de kiwa klam ha kani ka sngi toh u S.C. Sadhu, Secretary Fisheries Department, ka I. Laloo, East Khasi Hills Deputy Commissioner waka A. L. Mawlong, Director of Fisheries. 

Share this:
Previous

Jop ka Mukhla Raij ha ka 18 Above ka WJDSA, nadooh 23 tarik u sdang ki Quarter Final

Next

Men’s U-25 State A Trophy: Jop ka Meghalaya yaka Nagaland