Mih i awri awra heipor wa lai pyndep niam ya u Kulam Nongrum ha Mylliem

Shillong: Ya i leh niam wa khaddooh yong u Rangbah ka Seng Khasi uwa man leh u President ka Sengbah ki Nongshat Nongkhein u Kulam Nongrum da ye u pyndep hadien wa wan sonteri ki pulit khnang wow khang laad ki paidbah ka chnong Madan Ing Mylliem wow thang ya uwa da khlaad neidaw wa tyngkheiñ ya ka soskular wa ymhoi de u thangbru ha i thaw ka Seng Khasi kawa em ha Lum Phatok.

U Rangbah Shnong ka Mylliem u Hamphel Khyriem da kam u wa da pyrchah yeini i leh neibhah da em i yakular wa ka Seng Khasi ha u 2010 wa ymchah de u thang bru ha kani ka thaw neibhah wa em ko hajan ka chnong wa ki yung bru.

Da kam wa ka Seng Khasi da lai lait ko ya kani ka kular deiwa thangbru heiwa ki paidbah ka chnong da mih ki ynne ka sngi kynthai wa chynrang wow pyrchah yeini deiwa rah ya ki placard wei i kbai i kyriaw heipor wa rah yei metyap u Nongrum.

Da ong u leh wa ini i leh ki paidbah ymtoh wa phah ka dorbar chnong tangwa i chrai ki paidbah yei tyngkheiñ ya ka rai wei man ko i leh yong ki samen hi.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

U Khyriem da ong u wa ka chnong ym em yoosih ko næ pynyaphær ko ya i ngait niam yong kiwi.

Neiliang won ka Seng Khasi Mylliem da pynbaad ko wa ka chnong da phah soi yabor ko ya ka soskular heipor wa yap ka J. Nongkhlaw.

U President ka Seng Khasi Mylliem u Arwel Rynjah da kam u wa ka Seng Khasi da pyntip ko cha ki bor ka chnong tangwa neidaw wym mano ka chnong da haap pyndep yeini ha i thaw ka seiñ deiwa paan yarap na ki bor ka aiñ.

U Rynjah da ong u wa ini i pyrchah mih i nei sñiaw pyrchah ya ka Seng Khasi.