Shillong: U Montri Rangbah ka jylla u Dr. Mukul M Sangma ynne ka sngi da li wai u ya u moo-yurim ya ka Shillong Government College of Engineering, kawa pyndap poisa ka Rashtriya Uchchatar Shiksha Abhiyan (RUSA) ha Shillong Polytechnic Campus, Mawlai.
Hei klam yong oo u Dr. Mukul da ong u wa dap u dei mynsien wa kmen wa da yoh u booh ya u moo-yurim wa nyngkong dooh ka Engineering College hapoh ka jylla i wow pynyoh yei thrang kiwa boon ki khynroo khyllood ka jylla.
Da ong u leh wa i pynhun yeiwa thrang ki paidbah toh ka thong ka sorkar ym du ha ka puræ puthi kamjooh leh ya waroh kiwa thrang ki paidbah ka jylla.
Da yooluti u wa deiwa em kani ka College daw wiar iwa haap mih ki khynroo khyllood napoh ka jylla yow lai puræ cha baar jylla. Da ong u leh wa ka puræ puthi toh kawa ye u wanrah yei kylla hapoh ka jylla wei ha kani ka Engineering College daw e laad ko leh ya kiwa pyndep Diploma Course yow psiah ki cha ki laiñ puræ Engineering.
Da kyntu u leh ya waroh ki tnat sorkar wa emkti hei chna ya kani ka College wow kreh hok ki yow ye u pyndep ya ka hapoh 18 bnai.
U Principal ka Shillong Government of College of Engineering & Shillong Polytechnic, u W.L. Warjri da pyntip u wa nyngkong u sdang ya ka tnat Civil Engineering, Electrical Engineering wa ka Computer Science.
Discussion about this post