Mih i dawa wow maap sa ya ka bai bordiñ hadien wa maap ya ka dan ki Truck

Uwa chong chnong ka Moolamylliang uwa man leh kam u muktiar, u Dawanmon Pachiang, da thoh u cha u Montri Rangbah ka jylla, u Conrad K Sangma yow maap noh ya ka bai bordiñ wa dang sah yong ki manyung wa dooh wa duk.

Yeini da ong u deiwa e nongmuna yeiwa maap ka sorkar ini wa dep ya ka bai dan wa ka kuna ki Truck iwa da pynkmen ya ki paidbah. Sa iwi won iwa da ktah ya ki hajar tylli ki manyung wa dooh wa duk toh ka bai bordiñ kawa heh kawa ym pu em ye ki wow su.

Related posts

Hapoh tadong LPG ha ki yusong dud chalan tooh uwi yei kiad ha Bihar

October 6, 2026

Chah Suspend u heh pulit wa pynyang Pistol ya ki paidbah katwa dang saam tiar yarap

October 6, 2026

Da e nongmuna u wa ha ka thaaiñ Sutnga ka East Jaiñtia Hills, da em boon ki manyung kiwa da chem chitom wow su ya ka bai bordiñ hadien wa ku syndet ha ki snem 2024-2025 heiwa ki manyung ki wym em pynemkaam boon ka bordiñ dapoi Rs. 15,000 hadooh Rs. 50,000 chi bnai iwa da pynkhia wei ym ye de kini ki manyung u su.

Kini ki manyung toh ki wym ye u pyndap pynbiang yeiwa emkaam ki man-ka-sngi wei sei syad ka bai bordiñ da pynman ya ki wow chem chitom bha ki, kamtæ da kyntu wow pyrkhat wei wow yoo wyrai ya ki deiwa maap noh ya ka bai bordiñ.