U Montri Rangbah ka jylla, u Conrad K Sangma deilang u Symbood Montri Rangbah, u Sianwbhalang Dhar, ynne da lai yachem ki wa u Montri Rangbah ka Assam, u Himanta Biswa Sarma ha kamra krehkaam u ha Guwahati yow yaklam heiyatoh wa ka Lapangap.
U Conrad da ong u wa ha kini ki sngi ki tayaaw, dadep wow pyrchang wow khutlang ya waroh yow yaklam wei wow thooh ki luti wow lai chakhmat wei ka yaklam ynne ha Guwahati toh kawa da mihsoh mihsla deiwa emlang leh ki heh ka West Karbi Anglong District wa ka West Jaiñtia Hills District.
Heini i yaklam da ye wow pynbait ya ki kattu katni kiwa ye wow yarap u pyn jai-jai yei long i man wei ha kini ki sngi wow wan daw pyrchang wow pynbait noh ya ini i kaam.
U Conrad da kyntu u leh ya waroh arliang wow ya krehlang yow pynbait noh ya ini i kaam deiwa neh slem.
Da pyntip u leh wa manda dep u thung wei baam smai waroh ki Montri ka sorkar Assam, daw ye wow rah yeini chakhmat yow pynbait leh sa ya u pood heiwa ynne da yaklam du hajrong ka Lapangap.
Discussion about this post