Ki bru wa ka-it yei tem i put, i rwai i siaw wa kiwi ki kaam pynwyrngia yong tynre da lai yachem ki wa u Montri ka chnat Arts & Culture, u Paul Lyngdoh yow e dorkhat deiwa dawa wow pynneh pynsah ya ki sur ki rwai tynre kamjooh leh parom, ki drama wa kiwi de.
Da ban joor ha u Montri wa nadooh wa tip u thoh u tar wei wow chon kot da boon kiwa thoh kot chaphang i warim wei ya kini da pynlang da ki bru samen kamjooh ha ki thaw booh kot ka sorkar tangwa ya ki sur ki rwai wa da pynmih da kiwa chong chnong tynre ka jylla ym em da pynlang ki dei miat wot kiwa da dep Record ha ki Radio Station kiwa em cha baar ka jylla kam ha Kolkata wa Guwahati nadooh ki por chwa wow yoh laitlooid ka ri.
Kamtæ da dawa na ka sorkar wow thung da ka Commission wow kynthup lang ya kiwa thoh sur, kiwa rwai wa kiwa thoh parom drama wei wow e laad ya kani ka Commission wow kreh laitlooid ko.
Chooh chooh da ban joor leh yeiwa emkaam wow tipmit ya waroh ki bru wa da bna naam ha i tem i put, i rwai i siaw, i thoh rwai ha ki ktien wa klam ha Ri-loom Garo, Jaiñtia wa Khasi kamjooh lada em kiwa thoh hei ktien Hindi, English wa kiwi de da ki tre chnong ka jylla wei wow lai pynlang ya kini waroh kiwa da dep thoh dep rwai yow booh ki dei miat yow neh ki yanom.
Ya kani ka dorkat da soi pyrtuid da u Lou Majaw, u Andrew Thabah, ka G. Clarence Nongbet wa u Kyrsoibor Pyrtuh.
Ha ini i yachem wa u Montri da emlang leh u F.R. Kharkongnor, Commissioner & Secretary ka chnat Arts and Culture.
Discussion about this post