I haap ka lieñsuiñ ka Air India ha ka 12 tarik ha Ahmedabad, da wanrah i yei yap palat ki 241 ngut na ki 242 ngut heiwa da lait im du uwi na kiwa chong hapoh kani ka lieñsuiñ wei da em leh kiwi kiwa yap kiwa em hapoh ka Hostel wa lai tyrrah kani ka lieñsuiñ.
Ha kani ka kynti da mih iwi i Video wa pynyoo ya kiwa lai puræ ka BJ Medical College kiwa da pyrchang wow yut deiwa hiar wei kynthiar najrong yung wow lait na i diñ wa kop ha i Hostel ki.
I Video da pynyoo wa da hiar ki na Balcony deiwa pynemkaam ya ki that wa da pteiñ kam u tylle khnang wow lait im.
Kani ka lieñsuiñ Air India Flight AI-171 kawa lai cha London da kit ko ya 242 ngut wa kynthup ya ki 12 ngut kiwa kreh ha ka wei da haap ko ha Hostel BJ Medical College mar ya hær ko wei da pdung wot ko.
Ha ini i Video da yoo ya i tdem wa mih na ki kamra Hostel wei da em kiwa kbai na sarok katwa dang yaleh ki wow hiar na Hostel.
Kiwa yap ha Hostel toh ki 5 ngut kiwa puræ MBBS.
Discussion about this post