Iwi i Video da poor bha i ha Social Media heiwa da suba wa kawi ka thuk-thuk wa chah tooh na Mawpat da pynkit ka da ka lieñ cheiliang Bangladesh lyngba ka wah wa em ha khappood.
Ha ini i Video da yoo yeiwa ym duna ya 6 ngut ki khynroo deilang wa uwi uwa kiñ klieñ kiwa da pynkit ya ka thuk-thuk kawa da chah tooh na Mawpat, Shillong yow lai cheiliang ka Bangladesh wei yeini i Video da riñ da kini hi kiwa tooh ya ka thuk-thuk wei da ye wow chem ki napoh ka Phone hadien wa dep Delete ki.
Ar ngut na kini ki bru da suba toh u Cornelius Mukhim wa u Meshanki Lamare kiwa dang dep wow chah kem na Polo, Shillong ha ki pulit heiwa na ki da chem boon ki tiar ki tar wa pynemkaam yow tooh thuk-thuk ki wei ya kini da thooh da ki pulit da slem wa emkti ki wow tooh boon tylli ki thuk-thuk na Shillong.
Hadooh wa pynmih ya ka khubor neiliang ki pulit ym pu em pyntikna ki kiyi de kiwa emlang ha ini i Video.
Puræ leh: Yoh kem ki pulit ya ki ar ngut ki snar tooh thuk-thuk
Discussion about this post