I em ki Autonomous District Council ha ka thaaiñ mihsngi wow yada yei mantre ki jaitbru Ri-loom da pynmyntoi bha i ya kiwa boon ki paidbah ka thaaiñ.
Ha kani ka kynti won ka Garo Autonomous Council Demand Committee ynne da pynman ko ya ka yalang paidbah ha Dudhnoi wow dawa Autonomous Council heiwa da chimbynta da ki seiñ kreh monsñiawbha ki jaitbru Garo.
Ha kani ka yalang paidbah da kyntait yei thmu ka sorkar wow sdang ya ka Garo Development Council (GDC) deiwa dawa wow sdang bait da ka Autonomous Council.
Neiliang u Chairman ka GDC, u Alex K Sangma da pynbaad u wa ka sorkar Assam da kular ko wow pynku kyrdan ya ka Garo Development Council cha ka Autonomous Council tangwa man i kular wa sepai.
Ka Riya Sangma kawa man ka bru wa kreh monsñiawbha da beiñ ko ya ka sorkar Assam kawa da kular wow e ya ka Autonomous Council tangwa da sahteiñ beit i kaam.
Ha ka yalang ynne da rai wow dawa bait ya ka Garo Autonomous Council wow chakri yei emkaam ki 7 lak ngut ki Garo wa sah ha ki 853 tylli ki chnong ka Assam.
Discussion about this post