Mih ka rai wow chna da ka Committee wa kyrpang wow pynneh ya ka C&RD Block ha Wapung

Jowai: Ki artylli ki Dorbar Chnong wa kynthup ya ka Wapung Skur wa ka Wapung Chnong ynne ka sngi da pynman ki da ka yalang paidbah ha chnong Wapung, East Jaiñtia Hills District wow, pynsñiaw yei pyrchah joor ya ka sorkar u Mukul hajrong i kyrriah ya ka Wapung C&RD Block cha Lumshnong.

Ha kani ka yalang paidbah da wan sakhi lang da ki spah ngut ki paidbah na ki chnong waphær waphær wa kynthup ya ki waheh chnong u MLA warim ka thaiñ u Justine Dkhar, ki MDC ka JHADC wa kynthup ya u Phasmoon Dkhar, u Lasky Rymbai, u J.R. Pyrtuh, ka Voilet Lyngdoh wa kiwi kiwi.

Kini ki waheh wa sian ka thaiñ da beiñ joor ki ya u Mukul deiwa pynbaad wa man u uwa lehbor u wym pyrkhat ya ki paidbah, hei sakhiat lada sñiaw emkaam ya ka C&RD ha Lumshnong toh u booh da kawa thymme ymtoh wow kyrriah na kawa da em chwa, hajrong ka 6 Khliehriat Constituency ympu em kawi wot leh ka Block.

Ha kani ka yalang paidbah da rah leh ya ki lama yong, ki placard wa da thoh ya ki kyntien wow beiñ ya u Mukul, heiwa du hapoh 8 bnai wa da booh moo-yurim da rah noh ya ka, da ong ki, “Mukul Sangma ham lehke politics daka Wapung C&RD Block neibynta i myntoi samen”.

Related posts

U pyndam ka Mizoram ya kiwa kreh sorkar ki wym ye wow leh yei kaam yong ki

November 28, 2024

Sdang ka sorkar da ka Community Public Private Partnership deiwa e yarap Rs. 106 klur

November 28, 2024

Da ong ki leh wa kam ki paidbah ym kwah ki ya ka sorkar ka wow chim wow knieh yeiwa da em chwa, tangwa kwah i ya ka sorkar ka wow e chooh chooh rap boon ki kaam wa dawa ki paidbah.

“Ha u snem 2014 u Mukul da chim u ya ar tylli ki mynsien bru neidaw i khang mooyong wei ha kani ka kynti won neibynta ka C&RD Block ka shnong Wapung daw e sa 10 tylli ki mynsien”, da ong u Sadly Ryngkhlem uwa man kam u Waheh Chnong ka Wapung Skur.

Da pynsñiaw u yei mynsien wa kusa deiwa ong wa lada hawa kut lada rah bait u ya ka Block, toh u su lut u waroh ka bai lutsan neibhah kamwa man katni ya ka yungkrehkaam da pynyieñ ya ki chrot kattæ leh da pynlut naka yarong poisa ka chnong wei i daw wa pynlut na ka chnong neibhah wa da pynbor wow chna chwa tangwa katni nawon da chet kylla u.

Kiwi won kiwa da e i klam ha kani ka sngi kynthup ki ya u Helping Phawa uwa jooh man kam u MDC warim ka JHADC, u Glitter Rymbai u Waheh Chnong ka Wapung Chnong, u E. Phawa uwa man kam u Waheh Chnong ka Iongkaluh, u B. Rymbai uwa man kam u Secretary ka chnong Rymbai wa kiwi kiwi wei ya kani ka yalang da pynlai da u M.H. Dkhar.

Hadien i e yumut iwi hadien iwi da chim ya ka rai wa khaddooh dei wow thung chwa ya ka Committe wa kyrpang neibynta wow yakhun wow pynneh ya kani ka Block ha Wapung.