Ha ka yalang yalap Election wa da pynman ha Dorbar Hall yong ka chnong Ummulong ha ka 17 tarik uni u bnai, ki khon khynroo yong kani ka chnong da ki spah ngut da mih ki chakhmat wow pynyoo yei kyrchaan yong ki ya u kyrtong samen na ka 5-Mukhla Ummulong Constituency uwa na ka chnong Ummulong, u Wendolin Shullai.
Kini ki khynroo da wan mih ki na man ki dong wa em hapoh ka chnong Ummulong wei da e laad leh ya uwi u khynroo na man ka dong wow klam wei pynsñiaw yei kyrchaan yong ki ya uni u kyrtong.
Hawa e yei klam, u Wendolin Shullai dap u dei kmen wa khroo hawa yoo ki khyrnroo yong ka chnong wa maya yong oo wan ki wow kyrchan ya oo.
Da ong u wa jooh sñiawsih u hawa sñiaw yei khubor chawah chaneiñ wa ong kiwi ki kyrtong wa man u uwa tympiah Vote tangwa ha kani ka yalang da sakhi wei da pynyoo phi ki paidbah wa ka yaleh hi toh yow yoh yei jop.
Chooh chooh da ong u wa lada toh wa yieñ du wow tympiah Vote ym tharai u wow maya ki paidbah ya oo wei yooluti u leh wow poi hi cha ka thong jop kamwa da angnood hi nadooh wa sdang deiwa ya krehlang i chirup.
Discussion about this post