Mih leh i pyrtuid ka Nongtalang, Nangbah wa ka Cham Cham ha ka Kayakalp Awards neibynta ki thaw sumaar

Katkam i sylli neibynta ka Kayakalp Awards 2025-26 hapoh jylla Meghalaya, ka 100 Bedded MCH Hospital ha Jowai da yoh ko yei naam ka Best District Hospital ha Meghalaya heiwa da yoh ko 93.4% ka Score.

Ya ini e Award da bichaar da ka State Level Award Committee heiwa ka Civil Hospital, Shillong, da yoh ko ya ka Commendation Award deiwa yoh 86.7%.

Ha ki kyrdan Community Health Centre ka Nongtalang CHC, West Jaintia Hills da jop ko deiwa yoh 85.8% bood sa ka Ichamati CHC ha East Khasi Hills kawa yoh 86.9%.

Hapyrdi ki Primary Health Centres, ka Nangbah PHC ha West Jaintia Hills da man ko kawa jop deiwa yoh 98.9%, bood won sa ka Asananggiri PHC ha West Garo Hills wa yoh 95.8%, katwa ka Smit PHC ha East Khasi Hills wa Nongspung PHC da yoh ki mar 96.7%.

Related posts

I lai Japan toh wow chemsap yei pynkhreh ya ka National Games: Wailad

October 6, 2026

Dawa ka JSU da ka thaw pynyieñ kari wa pura neibynta kiwa kamai Tourist yow lait u khynnia ka chnong Jowai

October 6, 2026

Na ki UPHC, ka Demsiniong UPHC ha East Khasi Hills da jop ko ya ka Urban Primary Health Centre deiwa yoh 93%, bood won sa ka Nongthymmai UPHC kawa yoh ya ka Commendation Award heiwa da yoh ko 85.7%.

Heiyatoh wa ki Sub-Centre Health and Wellness Centre, ka Cham Cham SC HWC ka East Jaiñtia Hills da tam ko na waroh deiwa yoh 98.8% bood won sa ka Saisama SC HWC ha West Jaintia Hills kawa yoh 98.3%, katwa ka Manai SC HWC ha West Khasi Hills da yoh ko 98%.