15 49.0138 8.38624 1 0 4000 1 https://wyrta.com 300 0
Advertisement ad1

Mih liwan noh ki chipai ka Indian Navy na Ksan

0 Comments

Jowai: Ki chipai ka Indian Navy ynne ka sngi da mih noh ki na Ksan wei u liwan noh ki mynstep hadien wa yoh hukum ki na ki heh yong ki.

Ki heh ka WJH District da e khublei wei da pynsñiaw ki leh yei sñiawngooh yei por wa i bor wa da pynlut ki la ar bnai yow sai ya kiwa chah kset ha ka krem mooyong wa em ha Ksan.

Neiliang u Deputy Commissioner ka East Jaintia Hills District kitbor kitrwiang u ya ki yow liwan ki dei suk deiñ saiñ kamjooh yow pteiñ ki wow chakri ya ka ri ha iwon iwon i thaw ya ki kaam wa da pynkit ha ki. Da ong u leh wa ka District kamjooh ka jylla ym ye de ki wow su kylliang ya iwa da leh ki ha kini ki ar bnai.

Kamjooh leh ki chipai ka Assam Regiment kiwa wan ha ka 30-01-19 leh u mihlang ki hadien wa da yoh hukum ki na ki heh yong ki.

Hei yatoh wa i taan um, ka CIL da pynemkaam ko ya ki Pump yong ka da 36 kynta nadooh ynnin ka sngi hadooh ynne i janmiet 5 waje wei da sai um 4860000 liter.

Ka KSB da taan um ko 32 kynta hadooh 5 waje i janmiet ynne ka sngi wei da sai um 6336000 liter.

Ka Kirloskar da taan um ki na ka wi ka Pump neidaw wa ka wi ka Pump dang sih hi ko la kattu katni sngi wei da sai um 2880000 liter.

Ki dkhot ka NDRF waka SDRF dang em hi ki ha kani ka thaw wei dang pteiñ ki wow e i yarap ya kiwa dang yaleh wow sai ya kiwa chah kset.

Advertisement ad1

0 Comments

Leave a Reply