March 1, 2019
0 Comments
Jowai: Ka Khasi Students’ Union (KSU) Narpuh Circle da e khublei kitbok kitrwiang ya waroh ki khynroo khyllood ka thaaiñ Narpuh kiwa yaleh ya ka Exam SSLC, HSSLC wa kiwi won ki kyrdan puræ waphær waphær.
Ka seiñ pyn ehdaw ko ya waroh yow ye u thoh bha katkam wa da kreh chitom yong phi waroh chi snem. I kyrmen i wa lyngba i minot yong phi, daw pass bha, daw yoh u khait ya u soh jop. Ka seiñ lyngba kani ka kyrwoh ka e mynsien ko ya waroh wa ym hoi u dooh kyrmen yow yoh leh ya i met i pran wa chait wa khiah.
Advertisement
Heiyatoh won wa ym biang i yoh bordiñ, ka seiñ da beiñ joor ko ya i kheiñ stiñ ka MeECL, na i por cha ka por ka seiñ da yachem ko leh ya ki bor wa toh u pait ya kani ka kaam wei da kyntu ya ki wow pynbiang bordiñ cha ki thaaiń Narpuh, tangwa hadooh katni ka thaaiñ Narpuh ym jooh biang i yoh bordiñ. I thud palat i bordiñ, da wanrah yei eh ya ki khynroo khyllood puræ ka thaaiñ, khamtam ha kam kini ki por wa em exam. Ka seiñ ka dawa ko na kani ka chnat wa toh u pynbiang bordiñ kamwa man cha kiwi ki thaaiñ.
Ini toh ka kyrwoh na u Sanatomba Bamon Education Secretary KSU Narpuh Circle.
Kitbok kitrwiang ka KKC Mukhla Nongrim ya kiwa yaleh Exam
Mih liwan noh ki chipai ka Indian Navy na Ksan