Ki dkhot ka Mahila Congress Committee East Jaiñta Hills deilang wa ki le tylli ki Unit wa da dep chna ki da e ki ya ka chithi wow mih noh napoh ka seiñ Congress nadooh ynne ka 23 tarik yow psiah noh cha ka NPP yow e yei kyrchaan ya u Nehlang Lyngdoh.
Ka Jhanika Siangshai kawa jooh man kam ka President ka Mahila Congress Committee, East Jaiñtia Hills da ong ko wa iwi na i daw wa da mih ki napoh ka Party toh neidaw wym em kyrtong MLA ka Party wei ym yoh kyrtong leh da uwa ye u kyrchaan uwa ye u e kyrchaan leh ya ki hawa yaleh ya kiwon kiwon ki yakhih heiwa ha u Nehlang da yoh yeini.
Da kdaw leh wa u Montri Rangbah, u Conrad Sangma toh uwa sñiawthooh ya ki kynthai kamjooh u Bajop Pyngrope uwa jooh man kam u Youth President ka Congress uwa katni da em ha ka NPP da man ko i kyrkhu.
Heijooh i por da ong wa sñiawsih wow mih na ka Party kawa da pynkupbor chiboon ya ki kam ki kynthai hawa yakhih ya kiwa boon ki kaam tangwa ym yohsa neidaw wym em kyrtong.
Kiwa da mih napoh ka Congress ynne da em ki 280 ngut.
