Jowai: U montri rangbah warim ka jylla Meghalaya u Dr. DD Lapang da phah u ya ka chithi cha u Rahul Gandhi, MP uwa man leh kam u President ka AICC wow mih noh naka Congress neidaw wa sñiaw u wa ym emkaam de ya oo kam u dkhot uwa da heh rta.
Ha ka chithi u Lapang da ong u wa ha ki 40 snem da kreh chitom wow leh ya waroh kiwa da pynkit ha oo deiwa lai ryntih uwa krehlang waka AICC yow wanrah yei yatylli wa i khlan bor ka Party nadooh nachwa hadooh ki por wow wan.
Tangwa da ong u wa da chem u wa katni ka Congress i rukom lai luti ko toh wow pynchongngiah noh ya ki dkhot kiwa da heh rta iwa u Lapang da sñiaw u oo leh kam uwa da heh rta ym sñiwa emkaam de u wow em hapoh ka Party hanlada kattæ i mynsien dang kyr-ooh i hem hapoh yong oo iwa da pynman leh ya wow sñiaw-wit yeini i khanglaad hanlada da heh rta u wei ym em chait bha u kamtæ da chim ya ka rai wow mih noh na ka Party.
Da ong u leh wow pteiñ hi u wow e ya i chakri neibynta ka ri waka jylla kamwa da jooh leh u nachwa lada em u heiwon iwon leh.
Kamtæ dei mynsien wa sñawkhia da phah u ya ka chithi wow mih noh naka Party wei wow sñiawbha u pdiang ya ini.
Discussion about this post