Ka United Democratic Party yong ka Mawlai circle da kaad ko hadien wa kiwa yahkhmat wa kynthup ya u MLA warim ka Mawlai, u Embhahlang B Syiemlieh da rai ki wow mih noh na ka UDP wei da phah leh ya ka chithi cha u President u Metbah Lyngdoh.
Ini i rai u Embhah uwa man leh u Chief Adviser ka UDP State Youth Wing toh deilang wa palat spah ngut kiwa kyrchaan wa kiwa krehkaam ka UDP kiwa da poi cha ka yalang ha i janmiet ka 29 tarik.
Kamwa sñiawthooh, i mih yong kini kiwa kitkaam deilang wa u MLA warim toh hadien wa da pynbna wa u MLA wa katni uwa da chah beh na ka Congress, u PT Sawkmie daw yakhun u ya ka Election MLA 2023 na ka Ticket UDP, heiwa u Embhah leh da rai u wow e laad u kyrchaan bait ya u Sawkmie, tangwa du kajiak bnai hadien won da kylla khangtleiñ noh kiwa kitkaam ka UDP Mawlai Circle wei khlem burom de ya u Embhah wa kiwa kitkaam kiwa em wa oo.
