Jowai: U Moonlight Daw, u Vice President ka Bharatiya Janata Party (BJP) yong ka 3 Raliang Mandal wa uwa ksoh leh ya ka kaam President yong ka Polling Booth Nongjngi-Iongluwit, ha i pynlait khubor ynne ka sngi ha Jowai, da ong u wa da mih noh u na ka Bharatiya Janata Party (BJP) ynnin ka sngi ka 16 tarik wei da e chithi mih seiñ ha u President yong ka 3 Raliang Mandal u Biangshwa Shylla.
U Moonlight Daw hawa yaklam wa kiwa pathai khubor ynne ka sngi ha Jowai da u ong u wa i mih noh yong oo na ka party Bharatiya Janata Party, toh na i daw samen yong oo hi.
Ha i jooh i por u Lakhon Biam, u kyrtong yong ka Bharatiya Janata Party (BJP) ha kani ka Election MLA kawa dang dep na ka 3 Raliang Assembly Constituency, oo leh da mih noh u na ka Party ynnin ka 16 tarik wei ya ini i mih yong oo na ka Party BJP da pyntip cha u President yong ka 3-Raliang Mandal.
U Lakhon Biam ha ka khubor da ong u wa i mihnoh yong oo na ka party BJP, ym em kawon kawon ka daw wei man ko ka rai yong oo hi samen.
U Biam hanlada ym pu em u pynsñiaw u ha ka khubor, tangwa ka khubor kawa da yoh u pynlang da sñiawthooh wa daw yaleh Election MDC u na Nangbah.
Discussion about this post