Kiwa chong chnong ka Shnongrim, Elaka Nongkhlieh kiwa em kamwa 20 ngut haroh kiwa man leh kam ki tre thaw, ynne da lai ujor ki ha u DC ka East Jaiñtia Hills District yow pyrchah ya ka Public Hearing yong ka M/s Shree Cement Limited neibynta i thaw tih moochuni ko iwa heh 217.394 Hectare wei deiwa booh leh ya ka Primary Crusher wa ka Secondary Crusher ha i thaw wa tip kam i Lum Syrman.
Neiliang kiwa chong chnong da ong ki wa ha kani ka Lum Syrman em da ki spah ngut kiwa chong chnong ka Shnongrim kiwa man kam ki tre thaw wei da phylla leh wa kammon da leh yeini khlem da tip ki kam ki tre thaw.
Da dawa na u DC wow pynsangeh ya kani ka Public Hearing kawa da thmu wow pynman ha ka 22 tarik u May 2026 neibhah ki kam ki tre thaw em ki ki kot ki sla wow pynsakhiat yeini kiwa da pynskem leh da ka JHADC.
Chooh chooh da ong wa i thaw wa em ki ha uni u Lum Syrman da pynemkaam yow rep wei em leh ki kpær nadooh ki por warim wajah kiwa da hiar pateiñ kiwa da pynemkaam yow pyndap ja-kpoh ya ka yung ka sem yong ki kiwa em da ki spah ngut.
Kamtæ da ban joor wow pyndam ya kani ka Public Hearing yow lait na iwon iwon i kulmar.
Discussion about this post