Jowai : Ki waheh wa ki khynroo ka East Jaiñtia da pynkha ki sa kawi ka seiñbhalang ha ri-loom Jaiñtia ya kawa da e pyrtuid ka All Jaiñtia People Movement (AJPM).
Ya ki nongyalam wa ki dkhot yong katai ka seiñ da pynskhem wei da pynsmai ya ki ha kani ka 27 tarik uni u bnai ha ya yalang wa pynman ha Mookhep, East Jaiñtia Hills.
Ki nongyalam katai ka seiñ toh u Ardi Paul Rymbai kam u President, Rajenra Dkhar kam u Vice President, Rami Dkhar kam u General Secretary, Monmi Rymbai kam u Assistant Secretary, Pher Dkhar kam u Treasurer, Ienglang Ryngkhlem kam u Finance Secretary, Romios Rymbai kam u Sports Secretary, Welson Siangshai kam u Publicity Secy wa u Sonison Pajuh kam u Education Secretary.
Ya ka yalang baam smai da pyllai da u General Secretary ka Jaintia Student Movement (JSM) u Lening Rymbai hei emlang leh u Waheh Chnong ka chnong Mookhep, u ma Denis Siangshai.
U kongsan ha katai ka sngi u Dister Dkhar uwa wan hei thaw u MDC Lasky Rymbai wei da pynbaam smai u ya waroh ki dkhot katwa ya ki nongyalam seiñ da leh da u ma P. Ksoo uwa wan heithaw u payu yong oo uwa toh u muktiar u wym lait u wan ha katai ka sngi.
Ha katai ka sngi da emlang u President ka HNYF- WJH, u President ka JSM wa u Finance Secretary ka JNV.
U President katai ka AJPM da ong u wa i thmu kani ka seiñ toh u kdung wei wow sumar ya ki khon ka Ynnaiw Trep Ynniaw Wasa.
Discussion about this post