Ka Result ka HSSLC Exam uni u snem 2025 wa da pynbna da ka MBOSE ynne ka sngi da man ko kawa miat heiwa ka Pass Percentage yong ka Arts, Science wa Commerce da tam ko ya 80%.
Ha ka Arts Stream da man ko 82.05%, ha ka Science Stream 82.94% katwa ha ka Commerce won 81.28%.
Ha ki Top 10 Position da yoh da ki skur kiwa na Shillong heiwa ha ka Science da yoh nyngkong u khynnah ka Laban Bengalee Boys’ Hr. Sec. School, Shillong wei da pynbood da ka St. Anthony’s Hr. Sec. School, Shillong wei ki skur kiwa na baar ka Shillong wa da mih pyrtuid toh ka North Liberty Hr. Sec. School, Jowai wa ka Don Bosco College (Hr. Sec. Section), Tura.
Ka Ressa Ee Christine Suting da yoh ko ha ka 5th Position katwa ka Rilanaika Sari won da yoh ko hei 9th Position kiwa na North Liberty.
Ha ka Arts Stream waroh kiwa mih ha ka Top 10 toh ki skur kiwa boon na Shillong heiwa da yoh nyngkong u khynnah ka St. Edmund’s Higher Secondary School wei ki skur kiwa na baar Shillong kiwa da mih pyrtuid toh ka St. Paul’s Higher Secondary School, Nongpoh wa ka Sohra Govt. Higher Secondary School, Sohra.
Ha Commerce Stream leh da man ko i jooh heiwa waroh ki skur lait noh kawi toh kiwa na Shillong heiwa hei nyngong da yoh ka St. Anthony’s Higher Secondary School, Shillong.
Ka skur wa na baar Shillong wa da mih pyrtuid toh ka Government Girls’ Higher Secondary School, Jowai kawa da yoh 6th Poisition da ka Sophia Niang.
Kani toh ka sien nyngong wa yaleh HSSLC ki khynnah ka Government Girls’ ha ka Commerce Stream wei da psiah syndon ki ha ka Top 10.
Discussion about this post