Ynne ka sngi uwi u khynroo da pynbna pyrthai u wow yakhun ha kani ka MLA Election 2023 cha ka Yung Dorbar Chna Aiñ ka jylla Meghalaya na ka 1-Nartiang Constituency.
Uni u khynroo toh u Rimiki Sari na ka chnong Wahiajer kawa haap hapoh ka Nartiang Constituency.
I daw wa pynman ya uni u khynroo wow mih chakhmat wow yakhun ya kani ka Election toh neidaw wa kwah u wow wanrah ya i roi i paar, i bha i miat, i chongsuk chongchngaaiñ wa i shynchaar wa khooid khlem em i ñiaw chiliang, i noh chiliang ya ki paaid ka Constituency wa ha ka jylla hi waroh kawi.
Chooh-chooh da pynrap u leh deiwa ong wa kam u khynroo uwa da kreh da slem ha ki kaam imlang sahlang wa ha ki kaam chakri paidbah ha ki bynta waphær waphær kwah u leh lada ki paidbah jied ki ya oo daw chakri hok chakri rap bha ya ka Constituency kamjooh leh ya ka ri waka jaitbru.
Da ong u leh wa ha kini ki khajiak snem kiwa dalai da yoo i ya i chitom la ha i yoh kreh, i roi i paar wei ini toh nei wym sñiawthooh yumut para wa mihkhmat wei wanrah i yei chah yoobeiñ ki khian chawa palat.
Kamtæ uni u khynroo dei mynsien iwa khian khut sñiawbha u ya waroh ki lok ki jor khamtam ki para khynroo kiwa chynna jngai neibynta ka ri waka jaitbru yong i wow yawan embynta ki ha ini i kylla.
