Mih u Lapang na ka Congress neidaw ka T. 2.50 Lak chi bnai: VH Pala

Shillong: U Working President ka Meghalaya Pradesh Congress Committee (MPCC) uwa man u MP ka Shillong Parliamentary Constituency, u Vincent H Pala da ong u wa i thung ka sorkar Meghalaya Democratic Alliance (MDA) ya uwa yahkhmat warim ka Congress, u Dr. DD Lapang kam uwa e buit wa rangbah ka sorkar ym myntoi ko yeiyi yeiyi leh neibhah wa u Lapang yoh u ya ka tulop kawa kynjoh kamwa T .2.50 Lak chibnai.

“Hanlada psiah u cha kawon kawon ka party, tangwa ym myntoi myntoi ya kni ki party kiwa em ha ka sorkar kawa katni, i myntoi man bait i i yong u Lapang chidoh,” da ong ong u Vincent.

U Vincent da sñiaw diaw u leh yei rai u Lapang wow mih noh na ka party deiwa ong leh wa man i rai yong oo toh yong samen u deiwa yaroh leh ya ki kaam u Lapang.

Da ong u leh wa i yut u Lapang na ka party boi wa em i thut wa kiwa yahkhmat ka MPCC, namo boi da em i yakut u weiyi weiyi, tang wow pynbaad won neidaw u President ka AICC, u Rahul Gandhi ym man i iwa sñiaw yahaap neibhah wa u Rahul dang chim wot u yeini i kaam.

Related posts

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

“Da yachem O wa u Lapang ha Delhi wei da khana u ya nga yei daw tangwa ymye O u khana lut yeitæ ha phi (kiwa pathai khubor)” da ong u Vincent.

Ha iwi i liang u Vincent da ong u wa ini i yut u Lapang na ka party daw ktah ko ya ka Rlection MP wa MDC ha u snem wow wan.

Chooh chooh da pynbaad u yei yut u Lapang man i i buit ka NPP namo kiwa em ha ka sorkar MDA wow ksih ya ka Congress ha ki ar Election deiwa ong, “Em ki jar jiar ki buit krehkaam, wei daw pait i yei mih u soh hadien ka Election, ka buit yong ki wa krehkaam.”

Da ong u leh wa ym em syir mynsien u yei kwah kyrtong ka monlang ka UDP na ka sorkar MDA ha ka Election, neibhah wa da yakhun u la ar sien pyrchah ya u kyrtong ka UDP wa kiwi kiwi ki kyrtong deiwa kam wa daw yakhun bait u na ka Congress deiwa kyntait ya ka ktien hamsaya wa daw yakhun u na ka NPP.

“I yajooh wa ki MLA ka NPP næ UDP man I i kaam samen yong nga wei yalok O wa ki ha ki kaam, wot hadooh u Montri Rangbah, u Conrad K Sangma man u u lok neibhah wa da jooh man MP u, u Lakmen wa u Comingone leh yalok i neibhah wa da kreh i ha ka party Congress wa kiwi kiwi kiwa mihkhmat,” da ong u Vincent.

Da pynrap u leh deiwa ong wa jooh yachem u wa ki neibynta iwa emkaam ki paidbah wei ini ym mut i wow mih noh u (Vincent) na ka Congress.