Jowai : Uwi na ki MDC ka Jaiñtia Hills Autonomous District Council na ka Jowai North, u ma Marki Mulieh uwa man leh kam u dkhot ka seiñ United Democratic Party da mih noh u na ka party (UDP).
Katkam ka yutip da ong wa u ma Marki da e u ya ka chithi wow mih noh na ka seiñ ha ka 8 tarik uni u bnai wei da pdiang ya kani ka rai yong oo ynne ka 13 tarik.
Hei yaklam u Wyrta wa u ma Marki da ong u wa da mih noh u na ka seiñ UDP na ki daw kiwa boon kiwa yachem u hapoh kani ka seiñ kam uwi uwa kwah u kreh neibynta ka imlang sahlang.
Heiyatoh wa ka khubor wa ong wa u ma Marki u psiah noh u cha ka seiñ BJP (Bharatiya Janata Party), hei yatoh weini neiliang yong oo da ong u wa oo ye u wow psiah noh cha ka seiñ BJP.
Chooh chooh neiliang kiwa ksohkaam ka BJP da pyntip ki wa hadooh wa pynmih ya kani ka khubor ympu ye ki u pynskem yeini kat wympu psiah hiwot u cha ka seiñ.
Discussion about this post