January 4, 2023
U Teiborlang Hing uwa jooh man kam u kyrtong MDC ka National Peoples’ Party (NPP) na Jowai Central ha u 2019, da pyntip u wa da mih noh u na ka NPP.
Neiliang u Teiborlang da pyntip u wa i mih yong oo na ka NPP toh na ki daw wa samen wei da rai u wow kyrchaan noh ya u Andrew Shullai kam u kyrtong MLA ka TMC na Jowai Constituency.
Da ong u leh wa ym em psiah u cha ka Party TMC tangwa da rai u wow kyrchaan ya u Andrew neibhah wa man u bru wa biang wow kreh ya ka Constituency.
Chooh chooh da kyntu u ya ki paidbah wow kyrchaan ya u Andrew ha kani ka Election MLA wa daw wan.
