Uwa yasaaid aiñ wa da kreh da boon ki snem, u yieñ u kam u kyrtong samen (Independent) na ka 9-Mynso Nongjngi Constituency ha kani ka MDC Election cha ka JHADC wa daw man ha u bnai wow wan.
Uni toh u Carebasius Pasi, uwa da pyndep ya ka B.A.LL.B (Hons) na Bangalore, Karnataka wei uwa da pyndep leh ya ka Master Degree, LLM (Criminal Law) na ka skurbah Rajiv Gandhi National University of Law (RGNUL), Patiala, Punjab.
U Carebasius Pasi man u leh kam u Additional Public Prosecutor hapoh ka Court yong u District and Sessions Judge, West Jaiñtia Hills District wei da ong u leh wa i thmu yong oo toh iwa bha wei deiwa Tip Bru Tip Blai wow e reiñ ha kani ka Election MDC.
Ka phang hakhmat dooh yong oo wow yakhun Election toh yow pynmih pynkhai biang ya ki Scheme wa da wiar da dooh ha kini ki 5-6 snem wa da da lai.
Kawa ar wa kam uwa yasaaid aiñ ha kawi ka liang toh yow kit u bah yei eh ki bru wa emkaam ki ha ka Court wa ha ki yung krehkaam wa boon jait khamtam ya ki kup chiliang sem chiliang.
Kawa le won toh yow pynbha pynmiat yei rukom krehkaam ka District Council khnang wow khlan ka riti chakri paidbah.
Kawa soo toh yow nang ye u pynsah pynneh yei khyndaw u chyiap, i pynmih poisa deiwa yoh nong na u chyiap, u moo, ki mar ki mata wa mih na ki District ka Jaiñtia Hills.
Kawa san toh yow pynneh pynskem ya ka stieh i man i long ka riti dustur yong ki jaitbru Pnar, ka Ri U Khad-Ar Dolloi 30 Syiem.
Discussion about this post