Khliehriat: U Deputy Commissioner (Excise), East Jaiñtia Hills District da pyntip paidbah u wa ki Wine Shops wa Bonded Warehouses kiwa da dep pynthymme yaki License yong ki neibynta u snem 2020-21 daw chah u wai ki hapoh East Jaiñtia Hills District nadooh ka Monday hadooh Friday.
Ki Wine Shops u wai ki nadooh 9:00AM hadooh 1:00PM katwa ki Bonded Warehouse u wai ki nadooh 10:00 AM hadooh 4:00 PM.
U Deputy Commissioner (Excise) da phah u ya waroh ki dukan dai kiad wow pynemkaam ki pyn daki bru yong ki hi wow pyntikna wa bood yaka Social Distancing deiwa yajngai uwi na uwi ym duna 6 Ft wei ym toh u em palat 5 ngut ki bru hapoh dukan ha i jooh i por. U bood ya waroh ki kyndon wa pynmih daka Health and Family Welfare Department, Government of Meghalaya heiyatoh wa u COVID-19.
Chooh chooh waroh ki dukan dai kiad toh u krehkaam ki deiwa pynemkaam du ya ki wakreh wa emkaam donhi, u booh yaki Hand Sanitizer yow pynemkaam kiwa wan thied, u deiñ yaki Mask wei ym toh u chah u man i dukan wa i thaw wa khynnia wei lada boon ki bru wow phah yaki cha kiwi ki dukan. Waroh ki dukan dai kiad toh u ya krehlang ki wa ki bor District, ki pulit, ki wakreh ka Excise wa kiwi de.
Discussion about this post