Shillong: Ka sorkar Meghalaya ym pu em dep ko wow su ya waroh ka poisa wa T. 2,100 neibynta ki le tayaw cha ki wakreh mylla kiwa ym em ha kawon kawon ka seiñ (Unorganized Workers) wa kiwa khayi wa khian wa nai kiwa da dep pynpsiah pyrtuid waka sorkar jylla yow yoh yarap ki ha kini ki por wa em ka Lockdown.
Katkam wa ong ki sahep sorkar da dep wow phah T. 1400 samen cha ki Bank Account yong kiwa 1,49,500 ngut kini ki wakreh mylla.
Waroh da em 2,33,193 ngut kini ki jait wakreh mylla kiwa da pynpsiah pyrtuid waka sorkar Meghalaya yow yoh yarap ki T. 2,100 samen neibynta ka le tayaw kawa kheiñ nadooh March 23 hadooh April 14. Tangwa na kini du 1,84,184 kiwa da jied wa toh hok wow yoh ya kani ka poisa.
Kam wow pynkynmoo wa ka sorkar Meghalaya da rai ko wow su T. 700 chi tayaw cha kini ki wakreh mylla.
Discussion about this post