Ka Meghalaya State League 2023 ynne da sakhi ym du kawi tangwa ar tylli ki yalehke wa ye kiwa rem wow man noh kam kiwa jop heiwa ka Khliehmawlieh Youth Club waka Rangdajied United FC da yoh ki wow psiah Final syndon.
Ha ka yalehke wa da pynman ha Shillong, ka Khliehmawlieh kawa da rem da 1-0 ha ka yalehke Semi wa nyngong, ynne won da jop ko deiwa yoh 3-1 (iwa mut da jop ki da 3-2 deiwa kheiñlang) pyrchah ya ka Mawlai SC.
Ka Rangdajied won da em ko ka thong wa eh bha neibhah da dep rem ko da 3-0 ha ka Lajong ha ka Semi wa nyngkong, heiwa ynne ha Mawkyrwat da jop ko da 3-0 ya ka Lajong. Ini da mut wa da yoh u thap 3-3 deiwa kheiñlang, kamtæ da pynman da ka yachut Penalty heiwa ka Rangdajied da jop ko da 4-3.
Kamtæ ka Final u pynman ha kani ka 17 tarik ha Shillong hapyrdi ka Khliehmawlieh waka Rangdajied wei da tikna wa daw yoh ya ka Champion wa thymme ka MSL.
