15 49.0138 8.38624 1 0 4000 1 https://wyrta.com 300 0

Lehkmen Advance Christmas ka JNC da i e sñiawbha ya ki khonswet

0 Comments
Advertisement ad1

Jowai: Ka seiñ Jaiñtia National Council (JNC) ynne ka sngi kam chibynta wow lehkmen yaka Advance Christmas da lai pait ko ya ki 16 ngut ki khynnah khonswet kiwa em ha Children’s Home Girls, Khliehriat East Jaiñtia Hills District.

Ha ini i lai pait ya kini ki 16 ngut ki khynnah khonswet, ka seiñ da e sñiawbha ko leh cha ki khynnah da ki 18 tylli kymmor wa 7 churia u khoo kiwa haap hapoh i pait yong ka Children’s Home Girls, Khliehriat.

U Rimiki Dkhar, President ka JNC-Khliehriat Circle da kyntu u ya kini ki khynnah wow man ki ki khynnah kiwa tip bru tip Blai wei wow man kiwa minot ha ki jar jiar ki kaam nadooh wa dang khian, khamtam wow puræ kot bha neibhah wa kini ki khynnah toh kiwa lai skur.

Ka Shadap kawa man kawi na kiwa pait wa sumaar ya kitai ki khynnah ka Children’s Home Khliehriat da e khublei ko ya ki dkhot wa kiwa yahkhmat ka seiñ neibhah da ini wan pait wei e sñiawbha yong ka seiñ ya kitai ki khynnah kamjooh leh i e sñiawbha yong ka seiñ, kini ki khynnah leh da kmen ki wei da e ki leh da i rwai sñiawngooh yaka seiñ kawa da pynkut leh yaka yalang.

0 Comments

Leave a Reply